امبارح رحت انا وماما واخواتي البنات علشان نزور جدتي وخالي في البلد ( ويارتني ما رحت ) المهم وصلنا بالسلامة وماما قعدت مع جدتي يتكلموا مع بعض ويحكوا لبعض واخواتي البنات قعدوا مع بنات خالي وقعدوا يذاكروا مع بعض ( عندهم امتحان تاني يوم ) وانا بقى قعدت مع بنت خالي الصغيرة اللي عندها 5 سنين ( ويارتني ما اعدت )
هي : آبيه محمد .... تلعب معايا دومينه؟
انا : ايه ده انتي بتعرفي تلعبيها ؟ طيب وماله العب ؟
هي : جريت تجيبها زي ما يكون شافت فريسة يا عيني ( وانا قاعد زي العبيط ولا فاهم حاجة )
المهم جابت الدومينه وجابت الخشبة اللي بنلعب عليها وانا قاعد مخضوض حسيت اني ورطت نفسي في حاجة انا مش قدها وبدأنا نلعب الدومينه انا وهي لوحدينا ( يعني استفرضت بيا )
فضلنا نلعب حوالي 14 دور وكانت النتيجة انها كسبتني 10 ادوار وانا كسبت 4 ادوار بس ... إهئ إهئ إهئ
وهي تنصحني بعد كل دور وتقلي تحب تلعب تاني يا آبيه محمد ؟ وهنا فعلا حسيت ان آبيه دي بقت شتيمة وانا اقبل التحدي واقلها ماشي نلعب تاني وآخد فوق دماغي تاني
المشكلة بقى انها مش تعد ساكتة كل اللي رايح واللي جاي
ماما ... ماما : آبيه محمد مبيعرفش يلعب خالص وانا اسمع واعد ساكت هتكلم اقول ايه ؟؟!!
بابا ... بابا : كسبت آبيه محمد 7 ادوار في الدومينه وانا احط راسي في الارض ... و فضيحتاااه
عمتو ... عمتو ( اللي هي مامتي ): تيجي تلعبي معايا بدل آبيه محمد ؟؟ وانا اقلها لأ لأ يا ماما كفاية انا
كان فاضل بس انها تكلم بابا وتقله ابنك مش نافع يا عمو
الدور ال 14 كان كل اللي في البيت بيتفرجوا علينا ولا كأنه ماتش كورة وبعديه انا اعتزلت خلاص وعارف ان فضيحتي هتبقى بجلاجل في العائلة خلال اسبوع بس هعمل ايه ؟ ما باليد حيلة
وبعد الغذاء ولسة بشرب كوباية الشاي المتينة علشان انسى جت نفس السفروتة تاني وفي براءة تامة تقلي :
آبيه محمد تلعب كوتشينة ؟؟
انا : على جثتي .... وحياة امي ابدا ... يالا يا ماما انا مروح ... مش قادر اعد اكتر من كده
وهي تسخسخ على نفسها من الضحك وكأنها فرحانة فيا بس يالا انا اللي اديتلها الفرصة دي
بس بعيدا عن البهدلة اللي انا اتبهدلتها لما فكرت بيني وبين نفسي شفت اد ايه البنت لسة صغيرة وباسم الله ما شاء الله ذكية ولماحة وعارفة " البلاطة " وفي نفس ذات الوقت صعبت عليا لأنها هتدخل مدارس مصرية يعني العوض على الله في الذكاء ده وهو ده حال كل الاولاد المصريين اللي بيقل ذكاءهم بعد دخول المدارس وسلملي على الدروس الخصوصية
وعجبيعلى فكرة البنت اسمها آية
سلااام
هناك 43 تعليقًا:
ياسلام أول تعليق
ما شاء الله آية زى العسل و عموما هارد لاك يا مان يكفيك شرف المحاولة برضه
و كل "فشخة" و انت طيب
:)
هههههههههههههههههههههه
عسل يااايوووش
ع فكره كل الاطفال كده ماشاء الله
ع ذكاء وسرعة بديهه
ومجرد ميزنقوا ف التعليم المصرى
يبدا ينحت م قواهم العقليه
لحد مايوصلوا لا قادرين ع النفكير ولا تغشيل مخ
وكله احفظ وحل وانسى
برافوووو يا ايه برافووو
وصيتك أبيه محمد كل مايروحلكم
ههههههههههههههه
nassif :
ياريتها كانت محاولة واحدة دول 14 محاولة يابني وكل مرة آخد على دماغي
ــــــــــــــــ
د\ اجدع بنوتة :
وانا قدامك اهو اكبر ضحية للتعليم المصري يعني لو كنت في ال bbc كنت زماني غلبتها بس يالا النصيب بقى
وعلى فكرة انا مش هروح هناك تاني انا حرمت خلاص
وعايزين نشوف بوست ليكي بقى الواحد بقاله كتير مضحكش من جوه قلبه
يا عم دول جيل الدش والاوروبى والانترنت الصح ..
ده احنا غلابه يا عم ..
الجيل ده هيفترسنا قريب ..
احنا نلحق نشوفلنا اى عقود عمل بره ..
موضوع لذيذ .. سلام يا برنس
يا حول الله
انت كنت كويس
حتى جبت scoreجامد فىwho has the biggest brain
كل دة من اية
دى مجرد لعبة بس للأسف مش بتاعتك
سلامى لاية
فضحتنا يا بوب
اقولك عاوز تنتقم منها بقى وتوريها مهاراتك الرهيبة ؟؟؟
هاتها تلعب معانا كورة فى الاستاد
وخد تارك منها بقى بالطريقة اللى انت عارفها
اللى انت بتستخدمها معايا دى
تحياتى
انت حتتمحك فى المدارس وتقول انها السبب فى اللى حصلك؟؟؟؟؟
مش كنت لعبت كتشينه يمكن كنت تعوض!!!
ما قالتلكش تلعب شطرنج طيب؟
دي بقى كانت بجد هتبقى فضيحة يعني
طب كنت تعمل نفسك بتكسبها عشان تفرحها
يعني حاول تداري الهزايم باي مبرر
5 سنيين ما شاء الله وبنت كمان
امال لو ولد كان بطحك بقى
ﻵية في الذكاء...
:)
هههههههههههههههههههههههههههه
معلش ما انت اتعملت فى المدراس المصريه ابقى لاعبها تانى كمان خمس سنين وقلنا على النتيجه
ههههههههههههههههه ما شاء الله عليها
بس فعلا بيبقوا فى منتهى الذكاء ومتعرفش ايه الى حصلبع كده, لا وبيقل مع تقدم المرحله
يا فضيحتي يا فضيحتي
انت لا ابني ولا أعرفك
تتغلب في الدومينو ؟
خليها تروح تمتحن بدالك أحسن !
انا بحب الدومينو اوى بس علطول بخسر
وتحياتى ولا يهمك
تعيش وتاخد غيرها
ماتزعلش نفسك
هو ده الجيل الصاعد
وشاطر بس تقولى تلاعى ألاعبك بلاى ستيشن
أنا عارف انك بتحاول تعوض عقدة النقص
بسبب العسولة آيه ده
عالعموم متقلقش علاجك عندى
2 جيم بلاى ستشيسن بعد الغد عند أوف سايد
بلاش سترايك أو بلاى بوى لانهم تقال عالمعدة وبيعملوا حموضة
بقولك ايه
تلاعبنى بلياردو
يقول الباحثون إن الطفل المصري يتمتع بأعلى ذكاء فطري موجود على وجه هذا الكوكب عند ولادته أطفالنا هم أذكى أطفال في العالم أجمع ، من حيث سلامة القوة الذهنية و سرعة البديهة ، و ترتيب الأشياء و الابتكار الخلاّق و المهارات اليدوية ، و يأتون في المرتبة الثانية من حيث المهارات اللغوية .فالطفل المصري أذكى طفل في العالم حتى سن ست سنوات ...
. أما عن أسباب التدهور بعد السادسة ..أن تكلفة تنمية ذكاء الطفل بعد سن السادسة عالية جدًا ؛ لأنها تلزمها مجموعة كبيرة من وسائل التعليم و تنمية الذكاء
. أما النقطة الثانية فهي مع الأسف التعليم ، حيث إن تقييم الباحثين للتعليم في مصر هو تقييم سيء جدًا
النقطة الثالثة فهي التلوث البيئي ، فنسبة الرصاص في هواء مصر هي الأعلى على مستوى العالم ، و من المعروف علميًا أن زيادة التعرض للرصاص يسبب الغباء ، كما أن المواد الكيميائية في مياة الشرب و الأملاح الضارة الذائبة فيها تؤثر أيضًا سلبًا على العقل البشري و الكفاءة الذهنية ، أما عن الطعام و نسب المبيدات فيه فحدث ولا حرج و اتكلم براحتك .
عذرا جداا على الاطاااله..ومش عارفه
اقولك افرح هتغلبها بعد سنتين تلاته
ولا اقولك معلش وادعيلها
ومنفوخ علينا احنا بس
والعمدة راح
والعمدة جه
اهو العمدة فسسسسسسسسسسسسس
بالشفى ياعمدة
وتحياتي للطفلة المعجزة اللي جابتلنا بتارنا
شمو نشادر :
الجيل ده افترسنا بالفعل مش لسة هيفترسنا ونورت ياباشا
ــــــــــــــــ
darkskies :
معلش بقى يا مستر بس اوعدك انا هتدرب كويس واحاول اغلبها
ـــــــــــــــــــ
مطرح ما ترسي دقلها :
الطريقة اللي باستخدمها معاك متنفعش الا مع واحد ذيك يا كبيييييير لكن البت ذنبها ايه دي ممكن تموت فيها
ــــــــــــــــــــ
dodda :
والله المدارس هي السبب وبعدين انا باحمد ربنا اني ملعبتش معاها كوتشينة والا مكنتش هعرف ايه اللي هيجرالي ساعتها
ـــــــــــــــــــ
محمد فوزي آل ربيع :
لا الحمد لله طلعت مبتعرفش تلعبه بس قالتلي هتتعلم والعوض على الله
ــــــــــــــــــــ
mero :
اخوها عنده 9 سنين بس الحمد لله كان مشغول في المذاكرة ( احمدك يارب ) اصلها وراثة يابني
ـــــــــــــــــــــــ
دكتورة صغنونة :
ايوا انا قلت وباقول ان العيب في المدارس لو كانوا حتى بيدونا مادة الدومينه كنت هحاول اسد قصادها بس للأسف
ـــــــــــــــــــــــــ
خبيب :
فضيحتك !!!! يابني بقلك انا اللي اتغلبت مش انت واحتمال ابعتها تمتحن مكاني
ـــــــــــــــــــــــــ
رئيسة حزب الاحلام :
طيب بما انك بتحبيها وكمان بتخسري تعالي لاعبيني لأني محتاج استعيد ثقتي بنفسي تاني plz
ـــــــــــــــــــــــــــ
حماتي ملاك :
شكرا بس تعاطفك لوحده مش كفاية اتبرعي ولو ب " بلاطة "
ــــــــــــــــــــــــــــ
واحد جاله الضغط :
بقلك ايه ؟ مكفاية فضايح لغاية كده الناس تقول ايه مقضيها سرمحة في محلات البلاي استاشن والبلياردو والبينج بونج والسيبرات والكافيهات وسايب المذاكرة
دي حاجة تجيب الضغط صحيح
ـــــــــــــــــــــــــ
غادة ورفيدة :
معلومات جميلة جدا رفعت روحي المعنوية وطمنتني على نفسي كده انا عرفت انا اتغلبت ليه
ـــــــــــــــــــــ
xezo :
ايه يابني اللي يسمع كلامك ده يقول انا بعذبك مثلا هو صحيح انا بغلبك في البلاي استاشن وفي الكورة بس مش كده برضه بلاش شماتة
ahahaha, msh 3rfa a2oolk eh mabrook et3'lbt wala gatak kheeba, bs yalla kol 3'lba wenta tyb,kan 72k kmlthom l20 3shan yb2a 7tmt el fashkha el kyasya!!!heheheh
ما شاء الله
خمس سنين و بتعرف تلعب دومينو
أنا إتعلمتها فى العشرين و إستتقلت دمها قووووى ...
حسيت إنها لعبة ذكاء حاد و أنا على قدى خالص
ربنا يحرسها يا رب
و يا عم معلشى إنت برضو كسبت فى البنت ثواب إديتها ثقة فى نفسها اكتر و ذكرى جميلة هتفضل تتقال دايما
صحيح منظرك بقى موش لطيشف حبيتين
بس و ماله إنت فى مقام اخوها الكبير
و لازم تستحمل و تبقى فخور بيها
و دا اللى أنا حسيته ما بين السطور
إنك فرحان بيها و خايف عليها من إيامنا الغبرا
تحياتى يا بطل
اية دي سُكر وذكية جدا ما شاء الله
وبجد خساااااارة في التعليم
علي فكرة الكلام دا فعلا حقيقي التعليم عندنا بيقضي علي ذكاء الطفل وقدرته علي الابتكار للاسف
اقولك استناها كمان 4 سنين ولاعبها :)
أحسن
ههههههههههههههه
د/هيما
العيال دول دمهم بيبقى سكر
ههههههههههههه
بوست جميل احييك واتمنى تنورنى
crazygirl :
لا ممكن تقولي جتك خيبة احسن واهو اي حاجة منك مقبولة برضه ومنوراني يا مغلباني
ــــــــــــــــ
فاتيما :
طيب انا مين يرجعلي ثقتي في نفسي تاني اوري وشي للعائلة تاني ازاي ..يا فضيحتي
ــــــــــــــ
سنووايت :
لا خلاص مش هستنى حد انا ههاجر ومش هرجع الا وانا احسن من اي واحد هي ممكن تغلبه
ـــــــــــــــ
د هيما :
حقك ياباشا وتقول اكتر من كده كمان ومقبولة منك ههههههههههه
ـــــــــــــــــ
بنت مصرية :
ربنا يخليكي وانا زائر عندك اصلا ومنورة
أجدادنا قالوا زمان قبل الزمان بقرون
إللي تحسبة موسى ممكن يكون فرعون
مش كل طفل صغير بيكون ضعيف غلبان
و البنت آيه كمان ، الله يزيد و يصون
____________
KING TOOOT
السلام عليكمانا كمان اول زيارة لحضرتك ومتابعة باذن اللهمعلش اهو عرفت اخرك بقىاوعى تلعب معاها اي حاجة تانييلا يا بابا روح اتعلمها كويس وبعدين ابقى روح امحي الفضيحةربنا يبارك فيها وفي والديها وياريت بقى يستغلوا ذكائها دة كويس اوي قبل الفاس ما تقع في الراس وتدخل المدارس الجمييييييييييلةتحياتي وشرفت مدونتي المتواضعة وجزاك الله خير على وضعك رابط للمدونة عند حضرتك
الزميل المحترم ندعو سيادتك لحضور بريزنتاشن الكوبسى وذلك ان شاء الله يوم الثلاثاء القادم الساعة 9 صباحا بقاعة حفلات مستشفي الجراحة
وبعدها مباشرة سيتم ولأول مرة ملتقي المدونين الزقزوقيين الاطباء .. برجاء التكرم بالحضور أو تقديم اعتذار ولكم جزيل الشكر
هههههههههههههههه تعالى وانا اعلمك فضحتنا كده ايه الخيبه دى
المهم بجد فيه اولاد ربنا يحميه بجد ودى منهم وانشاء الله تطلع من الاوائل
ايوه يعنى المشكلة فين دلوقتى
فى البنت السفروته اللى غلبتك
ولا فى التعليم بتاعك اللى خلك ما تعرفش تلعب دومينو ههههه
و لا فى المدارس اللى حتدخلها البنت و تخليها مش عارفه تلعب
هههههههه
بسم الله ماشاءالله عليها
من الواضح ان كل اسمهم ايه بيكونوا عباقره:D
المهم ان الى حوليهايحاولهاينموا ذكائها علشان يكون ف الطالع مش زى اطفال كتير كل مايكبورا ذكائهم بيكون فالنازل لحد مايختفى
king toot :
هو ولومؤاخذة كل كلامك اشعار كده يا عم المفروض انت تعلق مش انا اللي اعلق ههههههههه كلام جميل والله شرفت المدونة
ــــــــــــــــــــ
nonoymm :
شكرا على النصيحة وفعلا معدش ليا معاها لعب تاني والمدارس دي مصير محدش بيهرب من مصيره
شرفتي المدونة
ـــــــــــــــــــــ
د\اجدع بنوتة :
طبعا يا فندم هاجي ده يكون ليا الشرف طبعا وحتى اشوف خلفائي في البرسنتاشن هيعملوا ايه اصل انا كنت مسئول عنه السنة اللي فاتت وكويس برضه نتعرف على المدونين الزقازيقيييييين
ــــــــــــــــــــــ
appy :
لا منا مش قلتلهم عليكوا انا فضحت نفسي بس وبعدين انا عندي روح رياضية عادي باتقبل الهزيمة ولا تفرق معايا
ـــــــــــــــــــــــ
واحدة مفروسة :
يا فندم مفيش اي مشكلة خالص والحياة وردية وكله تمام والمدارس بخير وانا مش زعلان المهم حضرتك مش تتفرسي بس دي اهم حاجة عندنا ههههههههه شرفتي
ـــــــــــــــــــــــــــ
aya 3fify :
ههههههههه فعلا كل اللي اسمهم آية عباقرة وحضرتك اولهم ومتخافيش طول ما هي بتلاعب ناس زي حلاتي يبقى العوض على الله شرفتي المدونة
على فكرة انت ليك عندى تاج
د/هيما
هل العنوان المقصود منه الهزيمة؟
وعلى فكرة الاجيال الجديدة لازم يكونوا كده لان بكل بساطة مثلا انت لسه بتتعرف على حاجات عالكمبيوتر هى بقى ورغم سنها اكيد عارفة اكتر منك
لانها بتتعامل معاه من الحضانة
ماتستغربش وتعيش وتاخد غيرها
امال يااخى لما تتجوز ويبقى عندك بدل اية واحدة ثلاثة حتعمل اية
بجد استمتعت بالبوست دة
واتمنى ان تتواصل معى
وادعوك لزيارة مدونتى
ودمت بود
يا حرااااااااااااااام
ههههههههههههههههههههههههههه
معلش خيره في غيرها يا استاذ محمد
وانتي يا ايه باشا الي الامام
تقبل مروري سلام
هههههههههههههههههههههههه
ايه يا هيرو انت فيين
وحشتنا
وحشتنا بوستاتك
اتمنى تكون بخير
dr . hema :
ان شاء الله هجاوبه في حلقة التاجات قريب ان شاء الله وشكرا ليك كتير
ـــــــــــــــــــ
monaliza :
كلامك صح طبعا بس انا برضه اعرف الكمبيوتر من وانا في حضانة بس الاطفال بيبقى مخهم نضيف فعلا قبل المدارس
ـــــــــــــــــــــ
طارق الغنام :
من بقك لباب السما وان شاء الله هعلمهم الدومنه والكوتشينة والشطرنج والطاولة وهفتح بيهم قهوة بلدي هههههه
ــــــــــــــــــــ
يوميات فنانة مفروسة جدا :
صعبت عليكي صح
تعطفك لوحده مش كفاية تبرعي ولو بأي حاجة ههههههههه
ـــــــــــــــــــــــ
hinger :
ههههههههههههه
ــــــــــــــــــــــــــ
بنت مصرية :
انا موجود والله وبتابع بس انا مش لاقي حاجة اكتبها
وشكرا على سؤالك
يا فضيحتك يا دكتور اربعتاشر ثلاتة وعندها خمس سنين انا متيقلى هتفضل طول عمرك مش قادر تبص فى وشها يلا بقة اسيبك شوية عشان تتمرن سلام
ربنا يخلهالك ما شاء الله قمر عقبال ولادك
هههههههههههههههه.....بجد من اول ما بدات اقرا وانا بضحك , هى كل عيلتكم كده , مدوخينك معاهم ؟!..... ما شاء الله ربنا يحميهم يا رب.....وانت كمان عيب كده الفضايح دى ؟!استاذن ايه تعطيك دروس ههههههه ....ادى اخرة الطب , سفروتة صغتوتة تضحك عليك كده ؟!!..... بجد بوست هايل .....و ربنا يحرسها من العين هى وكل اللى زيها ....مع ارق تحياتى .....سلام
بجد كل ما ببقى مضايقة بدخل عندك البوست اضحك واخرج تانى
ربنا يحرسها البنوتة العسولة
هههههههههههه تعيش وتاخد غيرها
"انا اتفشخت يا mens"
بس مش من صغيره من كبيره ربنا يهديها اهئ اهئ اهئ ............. دى دموعى
إرسال تعليق