رحت مع ماما السوق يوم السبت اللي فات كالعادة لأنه يوم اجازتي وده طبعا مش اول يوم سبت ليا مع ماما في السوق ومعتقدش انه هيبقى الاخير لو لينا في العمر بقية
المهم السوق ده زي منتوا عارفين انه مكان بنشتري منه الخضار والفاكهة والحاجات دي بس عندنا هنا بيزيد عليه ان فيه بتلاقي اغرب كلام واقبح شتايم واعجب ناس ممكن تشوفها في حياتك
اليكم المشهد :- انا قاعد في العربية مستني ماما لما تجيب حاجاتها ( وده طبعا مش كسل مني اني اروح معاها واشيل الشنط لسمح الله وانما بوفر مكان لواحد تاني اولى مني بدل معمل زحمة على الفاضي ) وإذ فجأة لقيت اتنين ستات ماسكين في بعض ضرب وشتايم انا نفسي حسيت اني بتفرج على فيلم اسباني مش فاهم منه حاجة والناس اتلمت عليهم في محاولة لفض الاشتباك بين الجبهتين ( وهما جبهتين فعلا ) المهم الخناقة دي بدأت وانتهت 3 مرات وعلى فكرة انا سبتهم وهما لسة بيتخانقوا معرفش وصلوا لفين بعديها بقى .
ساعتها ابتديت ابص حواليا لقيت فعلا اد ايه الشعب المصري بيناضل علشان يعيش ابص يمين الاقي واحدة يدوبك بتشتري ربع كيلو طماطم على قد الفلوس اللي معاها وابص شمال الاقي واحدة بترجع حاجات علشان مش معاها فلوس وابص فوق الاقي واحدة بتدور على حد يديها فلوس علشان اجرة المواصلات اللي تروح بيها علشان فلوسها خلصت .
ففكرت بيني وبين نفسي الناس دي ازاي عايشة ؟ لما احنا نعتبر متوسطي الدخل ويدوبك بنسلك نفسنا في ازمات الحياة الناس دي بتعمل ايه علشان تعيش اصلا ؟ ولما احنا بنفضفض مع بعضنا على المدونات او حتى بالكلام والناس بتقراه ونتعرف على وجهات النظر المختلفة .
الناس دي بتعبر عن نفسها ازاي ؟ او بتعرف اللي بيجرى حواليها ازاي ؟؟ ولا الناس دي كل همها ازاي توفر لقمة العيش ليها ولولادها وخلاص !!!!
ومحدش هيلمهم طبعا بل بالعكس احنا زي ما بنغضب لفلسطين بره لازم نغصب للناس دي جوه لأننا اخوة
ومحدش هيلمهم لما حد يجي يتكلم معاهم عن قضايا الوطن ويقوله سيبني في حالي ياعم وسيبني اعيش
ومحدش هيلمهم لما نلاقي فيهم الحرامي والمرتشي والنصاب والقاتل
ومحدش هيلمهم لما نلاقي فيهم اطفال الشوارع
ما علينا دي كانت مقارنة بسيطة بينا وبينهم مش علشان ارفع من معنوياتكم واعرفكوا ان في ناس مش لاقية تاكل واقل مننا وطبعا دول بيمثلوا 75% من شعب مصر ..... ولكن علشان ابينلكوا ان تقريبا احنا خلاااااااااااااااااص
سلااام
المهم السوق ده زي منتوا عارفين انه مكان بنشتري منه الخضار والفاكهة والحاجات دي بس عندنا هنا بيزيد عليه ان فيه بتلاقي اغرب كلام واقبح شتايم واعجب ناس ممكن تشوفها في حياتك
اليكم المشهد :- انا قاعد في العربية مستني ماما لما تجيب حاجاتها ( وده طبعا مش كسل مني اني اروح معاها واشيل الشنط لسمح الله وانما بوفر مكان لواحد تاني اولى مني بدل معمل زحمة على الفاضي ) وإذ فجأة لقيت اتنين ستات ماسكين في بعض ضرب وشتايم انا نفسي حسيت اني بتفرج على فيلم اسباني مش فاهم منه حاجة والناس اتلمت عليهم في محاولة لفض الاشتباك بين الجبهتين ( وهما جبهتين فعلا ) المهم الخناقة دي بدأت وانتهت 3 مرات وعلى فكرة انا سبتهم وهما لسة بيتخانقوا معرفش وصلوا لفين بعديها بقى .
ساعتها ابتديت ابص حواليا لقيت فعلا اد ايه الشعب المصري بيناضل علشان يعيش ابص يمين الاقي واحدة يدوبك بتشتري ربع كيلو طماطم على قد الفلوس اللي معاها وابص شمال الاقي واحدة بترجع حاجات علشان مش معاها فلوس وابص فوق الاقي واحدة بتدور على حد يديها فلوس علشان اجرة المواصلات اللي تروح بيها علشان فلوسها خلصت .
ففكرت بيني وبين نفسي الناس دي ازاي عايشة ؟ لما احنا نعتبر متوسطي الدخل ويدوبك بنسلك نفسنا في ازمات الحياة الناس دي بتعمل ايه علشان تعيش اصلا ؟ ولما احنا بنفضفض مع بعضنا على المدونات او حتى بالكلام والناس بتقراه ونتعرف على وجهات النظر المختلفة .
الناس دي بتعبر عن نفسها ازاي ؟ او بتعرف اللي بيجرى حواليها ازاي ؟؟ ولا الناس دي كل همها ازاي توفر لقمة العيش ليها ولولادها وخلاص !!!!
ومحدش هيلمهم طبعا بل بالعكس احنا زي ما بنغضب لفلسطين بره لازم نغصب للناس دي جوه لأننا اخوة
ومحدش هيلمهم لما حد يجي يتكلم معاهم عن قضايا الوطن ويقوله سيبني في حالي ياعم وسيبني اعيش
ومحدش هيلمهم لما نلاقي فيهم الحرامي والمرتشي والنصاب والقاتل
ومحدش هيلمهم لما نلاقي فيهم اطفال الشوارع
ما علينا دي كانت مقارنة بسيطة بينا وبينهم مش علشان ارفع من معنوياتكم واعرفكوا ان في ناس مش لاقية تاكل واقل مننا وطبعا دول بيمثلوا 75% من شعب مصر ..... ولكن علشان ابينلكوا ان تقريبا احنا خلاااااااااااااااااص
سلااام
هناك 8 تعليقات:
انت قولتها كلمه وهى فعلا الكلمه
الناس دى طموحها ف الحياه
انها تصحى الصبح تلاقى فطار تاكله
لا حول ولاقوة الا بالله
ربنا يقوى كل واحد ع حاله
ويرزق الجميع
انا بقى ناصحه مبنزلش السوق
ماما تتسوق وتسيب الحجات عند الجزار اللى ع اول السوق
وانا اروح اجيبهم ف السريع واجى
ياخراشى استنى بالعربيه ف السوق
ابقى خد بالك هههههه ليطلعوك منها
ويحتلوها
تحياتى
د \ اجدع بنوتة
شكرا على مرورك
وعلى فكرة انا متعود اركن بعيد عن السوق ودي كانت اول مرة اركن قريب منه وهتكون اخر مرة ان شاء الله
وربنا ما يوريكي
عندك حق يا استاذ هيرو
انت عارف امبارح طلعطلي نورة البوابة بتاعتنا وقالتلي : شوفتي ياام محمود كيلو المكرونة السايبة بقى بأربعة جنية وازازة الزيت العادي بعشرة جنية
طبعا انا ماعرفتش اقولها حاجة غير معلش يابنتي ربنا يرحمنا
الناس دي معظم اكلها بيبقى بتنجان وبطاطس وطبعا فول وطعمية
طيب لما يبقى كيلو البتنجان ب2 جنية والزيت بالسعر دة يبقى اكيد هايقلوا بالزيت عشرين الف مرة وخد عندك بقى امراض وسرطان وحاجة تقرف
وعلى رأي عمرو اديب مفيش في ايد الناس دي حاجة غير انهم يكشفوا راسهم ويدعوا لربنا
تحياتي واسفة على الاطالة دة انا كدة حاولت اختصر كمان
shahy
شكرا على مرورك
ثانيا انا طالب في سنة 5 طب فممكن تقليلي hero علطول بدل استاذ او يا باشمهندس بس اوعي تقليلي يا دكتور لو سمحت
وهنا ينطبق المثل اللي بيقول
عشانا عليك يا رب
من سمات العصر الماضي هو الطموح والامل في تحقق النجاح وتكوين مستقبل للفرد و للوطن ومن كان يفشل في هذا كان يكتفي بالزوج وتربية الاولاد والحياة العادية
أما العصر الحلي فأصبح في الطموح شي مختلف تماما
أصبح كل املك في الحياة أن تجد الحياة العادية وتحلم بمستوي معيشة ادمي مش نجاح وبتاع وكلام أحلام
يسلم فمك ..
هو ده الهدف م الأول
يخلوا الناس متعرفش حاجة في حياتها غير التدوير على لقمة العيش
ونبقى مخلوقين عشان كده !!
أمة ايه بقى اللي انت جاي تقول عليه ؟
--
وإذا مكنتش لقمة العيش يبقى أكيد كاس الأمم الإفريقية
--
حكمة صهيون : "إذا أردت أن تشغل الناس عنك ، فحاربهم في أرزاقهم"
تدوينة رااااااااااااائعة
بس بكرة أحسن ان شاء الله
يادكتووووور P:
صحيح اللي يشوف بلاوي الناس تهون عليه بلوته, احنا بجد احسن من غيرنا كتييييير.
و آخر كلامي أحب أقول كلمتين:
1- الله يعين أصحاب العيال.
2- منك لله ياللي كنت السبب.( أظنه عارف نفسه كويس)
إرسال تعليق